Ukrayna Avropada Adi Silahlı Qüvvələr haqqında Müqavilə üzrə öhdəliklərini yerinə yetirməyi dayandırır.
AzPost bildirir ki, bu barədə XİN məlumat yayıb.
Departament qeyd edib ki, bu, Ukraynanın Piyadalara Qarşı Minalara Qadağa Konvensiyasından (Ottava Müqaviləsi) çıxmasından sonra onu gücləndirmək üçün növbəti addımdır.
Müqavilə imzalayan ölkələrin adi silahlı qüvvələrinin silah və texnikasının, yəni tankların, zirehli döyüş maşınlarının, artilleriyanın, hücum helikopterlərinin və döyüş təyyarələrinin miqdarına məhdudiyyətlər müəyyən edir.
Bu Müqavilə 19 noyabr 1990-cı ildə Parisdə NATO-ya üzv on altı ölkənin (Belçika, Böyük Britaniya, Almaniya, Yunanıstan, Danimarka, İslandiya, İspaniya, İtaliya, Kanada, Lüksemburq, Hollandiya, Norveç, Portuqaliya, ABŞ, Türkiyə və Fransa) və “Varşava müqaviləsi” üzvü olan 6 ölkə (Bolqarıstan, Macarıstan, Polşa, Rumıniya, SSRİ və Çexoslavakiya) tərəfindən imzalanıb. 1992-ci il noyabrın 9-da qüvvəyə minib.
