ain.az, Bizimyol saytına istinadən bildirir.
Keçən ayın 12 günlük müharibəsindən sonra İsrailə casusluq etməkdə şübhəli bilinərək İranda saxlanılan ən azı 35 yəhudidən ikisi Amerika vətəndaşıdır.
Bizimyol.info xəbər verir ki, bu barədə ictimai yayımçı "Kan" telekanalı bildirib.
Məlumata görə, Amerika vətəndaşlarından biri bir neçə gün əvvəl zaminə buraxılıb, digəri isə hələ də həbsdədir. "Kan"ın verdiyi məlumatda bildirilir ki, zaminə buraxılan amerikalı Los-Ancelesdən olan İran əsilli yəhudidir, digər amerikalı isə 30 il əvvəl İrandan Nyu-Yorka gedib. Hər ikisinin İrana qohumlarını ziyarət etmək üçün getdiyi bildirilir.
İki amerikalı yəhudinin azad edilməsi səylərində iştirak edən adı açıqlanmayan mənbə “iki amerikalının yanlış zamanda yanlış yerdə olduğunu” deyib.
"Kan"ın verdiyi məlumata görə, son günlər İran hakimiyyəti İsrailin xeyrinə casusluqda ittiham olunan yəhudi icmasının 11 üzvünü azad edib. İranda casusluqda şübhəli bilinərək hələ də saxlanılan yəhudilərin sayı indi 5-ə çatıb.
Qadir, Bizimyol.info
Hadisənin gedişatını izləmək üçün ain.az saytında ən son yeniliklərə baxın.
