"Sanksiyalar Kremlə ağrı verməyə başlayıb..."
Ukrayna prezidenti Vladimir Zelenski hesab edir ki, Rusiyaya qarşı təzyiqin indiki mərhələdə maksimum güclə artırılması müharibənin 2025-ci ilə qədər dayandırılmasına real imkan yarada bilər.
Moderator.az xəbər verir ki, bu barədə Zelenski axşam müraciətində bəyan edib. Məlumatı yayıb.
Ukrayna prezidenti bəyan edib ki, Ukraynanın kəşfiyyat xidmətləri sanksiyaların effektivliyi ilə bağlı ciddi təhlillər təqdim ediblər.
"Sanksiyalar Rusiyanın iqtisadi potensialına artıq ciddi zərbə vurub və bu zərbələr daha da güclənəcək. Mən dünyada bizə dəstək olan hər kəsə təşəkkür edirəm. İndi elə məqamdır ki, Rusiyaya maksimum təzyiq göstərilməlidir. Elə sıxılmalıdır ki, gələn il bu müharibə artıq mövcud olmasın", - Zelenski vurğulayıb.
Prezidentin fikrincə, Moskva anlamalıdır ki, bu sanksiyaları sadəcə "dözüb keçmək" mümkün olmayacaq. Qərbin iqtisadi basqısı Rusiyanın hərbi və sənaye potensialını əhəmiyyətli dərəcədə zəiflətməlidir.
Siyasət, diplomatiya və pilotsuz uçuş aparatları
Zelenski qeyd edib ki, hərbi kəşfiyyatla və diplomatik korpusla gündəlik iş rejimi davam edir. Onun sözlərinə görə, bu günlərdə xarici tərəfdaşlarla kommunikasiya xüsusilə fəaldır. O, Milli Təhlükəsizlik və Müdafiə Şurasının katibinə göstəriş verib ki, pilotsuz uçuş aparatları üçün xarici maliyyə vəsaitlərinin cəlb olunması istiqamətində işlər gücləndirilsin.
Eyni zamanda, Müdafiə Nazirliyinə və digər aidiyyəti məmurlara tapşırılıb ki, tərəfdaş ölkələrlə əldə olunmuş razılaşmaların tam şəkildə icrasını nəzarətdə saxlasınlar. Zelenskinin sözlərinə görə, bəzi razılaşmalar hələlik tam reallaşmır.
Sanksiyaların təsiri və Rusiya iqtisadiyyatı
"The Telegraph" qəzetinin yazdığına görə, Rusiya artıq dördüncü ildir ki, Ukraynaya qarşı genişmiqyaslı müharibə aparır. Qərb bu dövrdə Moskvaya qarşı saysız-hesabsız sanksiyalar tətbiq etsə də, Rusiya iqtisadiyyatı hələ də tam çökməyib. Məqalədə qeyd olunur ki, Rusiya bu sanksiyaları nisbətən asanlıqla dolan və ya alternativ ticarət tərəfdaşları ilə boşluqları dolduran mexanizmlər qurmağı bacarıb.
Avropa hələ də Rusiyadan neft, dizel yanacağı və təbii qaz almaqda davam edir. ABŞ isə gübrədən tutmuş nüvə yanacaq çubuqlarına qədər bir sıra məhsullar üzrə idxala icazə verir. Zelenskinin çağırışı isə odur ki, bu "rahatlıq dövrü" sona çatmalıdır - Rusiya müharibə aparmaq üçün iqtisadi əsasdan məhrum edilməlidir.
