İngiltərənin "Lids Yunayted" klubu "Lion"un qapıçısı Lukas Perrini heyətinə qatıb.
90deqiqe.Az-ın məlumatına görə, 27 yaşlı qolkiper yeni klubu ilə 4 illik müqavilə imzalayıb. Bu barədə klubun mətbuat xidməti məlumat yayıb.
Braziliyalı futbolçu "Lion"da cəmi bir mövsüm keçirsə də, "toxucular"ın heyətində stabil çıxış edərək diqqət çəkib.
Qeyd edək ki, bu, Perrinin İngiltərədəki ilk təcrübəsi deyil — o, altı il əvvəl "Kristal Pelas"da icarə əsasında çıxış edib.
Futbolçu karyerasına "San-Paulu"da başlayıb və sonradan "Botafoqo" və "Nautiko" kimi Braziliya klublarında da forma geyinib.
Xatırladaq ki, "Lids" ötən mövsüm İngiltərə Çempionşipində uğurlu çıxış edərək Premyer Liqaya birbaşa vəsiqə qazanıb. Yorkşir təmsilçisi son iki mövsümdür APL-dən uzaq qalmışdı.
