Polşa prezidenti Anjey Duda ölkənin Piyadalar əleyhinə minaların qadağan edilməsi haqqında Konvensiyadan (Ottava Konvensiyası) çıxamasını nəzərdə tutan qanunu imzalayıb.
Polşa bu qərarı Baltikyanı ölkələr və Finlandiyanın təşəbbüsünə qoşulduqdan sonra verib.
Mart ayında Polşa Baltikyanı ölkələr və Finlandiya ilə birlikdə 1999-cu il Ottava Konvensiyasından çıxmaq niyyətini açıqlayıb. Bu konvensiya Ukrayna da daxil olmaqla 164 dövlət tərəfindən ratifikasiya olunub.
Beynəlxalq Qırmızı Xaç Komitəsinin qiymətləndirmələrinə görə, piyada əleyhinə minalar dinc əhali arasında çoxsaylı itkilərə səbəb olur və hərbi münaqişələrin bitməsindən uzun illər sonra da təhlükə yarada bilər.
Polşanın qərarı təhlükəsizliklə bağlı narahatlıqlar və müdafiə strategiyalarını gücləndirmək istəyi ilə əsaslandırılıb. Polşa rəsmiləri iddia edirlər ki, bu cür silahlardan istifadə ölkənin müdafiə qabiliyyətini artıracaq və potensial təhlükələrə qarşı daha effektiv müdafiəni təmin edəcək.
Polşanın qərarı Baltikyanı ölkələr və Finlandiya ilə regional əməkdaşlığının bir hissəsi kimi qiymətləndirilir. Bu ölkələr oxşar təhlükəsizlik narahatlıqlarını bölüşürlər və müdafiə strategiyalarını gücləndirmək üçün oxşar addımlar atmağı planlaşdırırlar. Ekspertlər hesab edir ki, bu, regionda təhlükəsizlik tarazlığına təsir göstərə və digər ölkələri də oxşar addımlar atmağa sövq edə bilər.
Polşanın Ottava Konvensiyasından çıxması ölkənin müdafiə siyasətində əhəmiyyətli dəyişiklik deməkdir. Bu qərarın Polşanın beynəlxalq münasibətlərinə və regional təhlükəsizlik dinamikasına təsiri qarşıdakı dövrdə daha aydın görünəcək...
TAHİR
