BBC News Azərbaycanca Xidmətinin hazırladığı xəbərləri, təhlilləri və videoları birbaşa WhatsApp Kanalımızda izləyin. Qoşulmaq üçün linkə klikləyin.
Fransa elan edib ki, Fələstini dövlət kimi tanıyacaq.
Prezidenti Emmanuel Makron sentyabrda Fələstini rəsmi olaraq tanıyacağını söyləyib.
Fələstin rəsmiləri qərarı alqışlayıb.
Amma İsrailin Baş naziri Benyamin Netanyahu bunun "terroru mükafatlandırdığını" deyir, ABŞ dövlət katibi Marko Rubio isə bu addımı "ehtiyatsızlıq" adlandıraraq qərara etiraz edib.
Böyük Britaniyanın Baş naziri Keir Starmer bu gün Fransa və Almaniya liderləri ilə görüş keçirəcək, çünki o deputatların Fələstin dövlətini tanıması üçün artan təzyiqləri ilə üzləşir.
Emmanuel Macron sosial media hesabında bu qərarın Fransanın "Yaxın Şərqdə ədalətli və davamlı sülhə dair tarixi öhdəliyinə" "uyğun" olduğunu yazıb.
"Biz Fələstin dövlətini qurmalı, onun həyat qabiliyyətinə zəmanət verməliyik və onun silahsızlaşdırılmasını qəbul edərək və İsraili tam tanımaqla regiondakı hamının təhlükəsizliyinə töhfə verməliyik", - o yazıb.
Bu arada, BMT-nin Fələstin Qaçqınlar Agentliyi (Unrwa) Qəzzada aclıqdan ölənlərin sayının artması ilə "bütün humanitar sistem çökür" deyir.
İyulun 24-də ABŞ və İsrail Qətərdəki atəşkəs danışıqlarını dayandırıb. Washington Həmas-ı "xeyirxah niyyətlə hərəkət etməməkdə" ittiham edib.
