“Torino” 25 yaşlı belçikalı sağ cinah hücumçusu Siril Nqonqeni “Napoli”dən icarə müqaviləsi əsasında heyətinə qatıb.
Arena.az bu barədə Turin klubunun rəsmi saytına istinadən məlumat verir.
İcarə müqaviləsi 2026-cı ilin iyun ayının sonuna qədər müddətdə qüvvədə olacaq.
Keçid “Torino”ya 1 milyon avro məbləğ müqabilində başa gəlib.
Siril Nqonqe “Brügge”nin məzunudur. Hücumçu, karyerası ərzində PSV-nin ehtiyat komandası “PSV Yonq”da (icarə), həmçinin “Valveyk”, “Qroninqen”, “Ellas Verona” və “Napol”də çıxış edib.
Geridə qalmış mövsümdə Nqonqe “Napoli” üçün 21 oyuna 2 qolla fərqlənib.
Siril Nqonqe 2024-cü ilin oktyabr ayında Belçika yığmasının heyətində debüt edib, meydanda cəmi 3 dəqiqə keçirib, məhsuldar fəaliyyəti ilə diqqət çəkməyib.
Siril Nqonqenin qənimətlər muzeyində “Napoli” ilə qazandığı İtalya çempionluğu (2024/2025) var.
“Transfermarkt” internet-portalı 25 yaşlı belçikalı sağ cinah hücumçusunun transfer dəyərini 8 milyon avro məbləğində qiymətləndirir.
