Çində mədən sahəsinə səfər edən 6 tələbə sianid tullantı hovuzuna düşərək faciəvi şəkildə həyatını itirib.
"Cebheinfo.az" xəbər verir ki, Çinin şimalında yerləşən Daxili Monqolustan Muxtar Bölgəsində, bir mədən sahəsini ziyarət edən 6 universitet tələbəsi sianid tullantı hovuzuna düşərək ölüb.
Xinhua xəbər agentliyinin məlumatına görə, Hulunbuir şəhərində Çin Milli Qızıl Qrupu Məhdud Məsuliyyətli Cəmiyyətinə məxsus bir mədən şirkəti tərəfindən işlədilən mis-molibden mədənində tələbələrin apardığı araşdırmalar zamanı dəmir barmaqlı platforma çöküb.
Platformanın çökməsi nəticəsində sianid tullantı hovuzuna düşən Çin Şimal-Şərq Universitetindən 6 tələbə həyatını itirib, bir müəllim isə yaralanıb.Hadisədən sonra mədəndə istehsal dayandırılıb və qəza ilə bağlı araşdırma başladılıb.
Qeyd edək ki, sianid orqanizmin oksigendən istifadə etmə qabiliyyətinə təsir edən və potensial olaraq ölümcül bir kimyəvi maddədir.
