İtaliyalı mütəxəssis Andrea Pirlonun yeni iş yeri bəlli olub.
90deqiqe.Az-ın məlumatına görə, 46 yaşlı çalışdırıcı "Dubay Yunayted"in baş məşqçi postuna gətirilib. Bu barədə klubun rəsmi saytı məlumat yayıb.
"United Futbol Klubu Andrea Pirlonun əsas komandanın yeni baş məşqçisi təyin olunmasını rəsmi olaraq elan etməkdən məmnundur. 2006-cı il Dünya Kubokunun qalibi və öz nəslinin ən məşhur yarımmüdafiəçilərindən biri olan Pirlo özünəməxsus futbol dünyagörüşü və Yuventus və Sampdoriya və keçmiş klublarında qazandığı dəyərli məşqçilik təcrübəsini özü ilə gətirir. Bu, klubun BƏƏ-də futbol sahəsində artan ambisiyalarını əks etdirir”, - deyə klubun mətbuat xidməti rəsmi saytında bildirib.
Andrea Pirlo futbolçu karyerasını 2017-ci ildə başa vurub. Mütəxəssisin son iş yeri "Sampdoriya" olub. Pirlo peşəkar məşqçilik karyerasına 2020-ci ildə “Yuventus”a rəhbərlik edərək başlayıb. Bundan əvvəl o, “Qoca sinyoran”ın gənclər akademiyasında çalışıb. Turin komandası ilə ilk iş ilində Andrea Superkuboku və İtaliya Kubokunu qazandı.
