"Gürcüstan böhrandadır. Artıq əvvəlki kimi deyil. O, Avroatlantik ailəyə inteqrasiya yolundan çıxıb və bu, Rusiyanın planına uyğundur. Tbilisidəki bəzi şəxslərin də bu prosesdə rolu böyükdür. Gürcüstan Cənubi Qafqazın və Orta Dəhlizin bir hissəsi olsa da, Avropa və ABŞ üçün əhəmiyyətini itirir", - deyə Brayza vurğulayıb.
O, Gürcüstan hökumətinin Avropa İttifaqı ilə assosiasiya prosesini dayandırmaq qərarını sərt tənqid edib və bildirib ki, Aİ-nin sanksiyaları və bəyanatları Gürcüstan hakimiyyətinin artıq dost olaraq qəbul edilmədiyini göstərir. Brayza əlavə edib ki, yaxın gələcəkdə Gürcüstan vətəndaşları Aİ ilə vizasız rejimdən məhrum edilə bilər.
"Gürcüstan geosiyasi oyundan kənarlaşdırılıb və Rusiya orbitinə yönəlib. Gürcü liderlərinin ABŞ və Avropanın guya Gürcüstanı müharibəyə çəkməyə çalışdığı barədə dedikləri tamamilə yalandır və bu, açıq anti-Qərb təbliğatıdır. Bu hökumətə inam yoxdur, heç kim belə bir ölkəyə sərmayə qoymaq istəməz", - deyə Brayza bildirib.
O, Gürcüstanda illərlə qazanılmış nailiyyətlərin indi bir-bir məhv edildiyini və onların bərpasının çox çətin olacağını qeyd edib.
