Hurriyyet.az xəbər verir ki, Fransa Prezidenti Emmanuel Makron Fələstin dövlətinin tanıyacaqlarını bildirib.
Makron X şəbəkəsində bəyan edib ki, BMT Baş Assambleyasının sentyabr ayında keçiriləcək sessiyasında Fransa Fələstin dövlətini rəsmən tanıyacaq.
Makron yazıb: "Fransanın Fələstin dövlətini tanıyacağını qərara aldım. Bunu senytabr ayında, BMT-nin Baş Assambleyasında təntənəli şəkildə elan edəcəyəm. İndi, ən əsası, Qəzzadakı müharibəni dərhal dayandırmaq və dinc əhaliyə kömək etməkdir".
Makron Fələstinin HƏMAS hərəkatının tərk-silah edilməsini vacib hesab elədiyini qeyd edib.
Makron daha sonra yazıb: "Nəhayət, Fələstin Dövlətini qurmaq, onun həyat qabiliyyətinə zəmanət vermək və Fələstinə - silahsızlaşdırılmanı qəbul etmək və İsraili tam tanımaqla - Yaxın Şərqin bütün xalqlarının təhlükəsizliyinə töhfə vermək imkanı vermək lazımdır”.
Hürr Tərcüman
