Ajans.az xəbər verir ki, Fransa prezidenti bu qərarı cümə axşamı axşam saatlarında X (keçmiş Twitter) sosial şəbəkəsində elan edib və ümid etdiyini bildirib ki, bu addım regiona sülh gətirəcək. Makron, Fransa hökumətinin Fələstin dövlətini tanımaq niyyətini təsdiqləyən məktubu Fələstin Administrasiyasının Prezidenti Mahmud Abbasa göndərdiyini açıqlayıb. “Yaxın Şərqdə ədalətli və davamlı sülhə tarixi sadiqliyinə uyğun olaraq, mən qərara aldım ki, Fransa Fələstin Dövlətini tanıyacaq,” – deyə Makron bildirib. “Bu rəsmi bəyanatımı gələn ilin sentyabr ayında Birləşmiş Millətlər Təşkilatının Baş Assambleyasında edəcəyəm.” Makron əlavə edib ki, “bu gün ən təxirəsalınmaz prioritet Qəzzada müharibəyə son qoymaq və mülki əhalini xilas etməkdir.” “Biz nəhayət Fələstin dövlətini qurmalıyıq, onun yaşaya biləcəyini təmin etməli və onu, hərbiləşmədən imtina etməsi və İsraili tam tanıması ilə, Yaxın Şərqdə hamının təhlükəsizliyinə töhfə verə bilən bir dövlətə çevirməliyik,” – deyə o, sosial mediada yazıb.
