İtaliyanın “Yuventus” klubu sağ cinah müdafiəçisi Joau Mariunun transferini tamamlayıb.
90deqiqe.Az klubun rəsmi saytına istinadən xəbər verir ki, 25 yaşlı futbolçu ilə 30 iyun 2030-cu ilədək müddəti əhatə edən uzunmüddətli müqavilə imzalanıb.
Joau Mariu 2008-ci ildən etibarən “Portu” klubunun akademiyasından əsas komandaya qədər bütün mərhələləri keçib. Ötən mövsüm portuqaliyalı müdafiəçi 42 oyunda meydana çıxaraq 7 məhsuldar ötürmə ilə yadda qalıb.
Transfermarkt portalının məlumatına əsasən, futbolçunun bazar dəyəri 10 milyon avro təşkil edir.
