Müəllif: Gülnar Əhmədli, Banco.az
Yelo Bank-ın xalis mənfəəti 2025-ci ilin birinci yarısında 19 milyon 702 min manat təşkil edib.
Banco.az bankın maliyyə hesabatına istifadən xəbər verir ki, 2025-ci ilin birinci yarısının (yanvar-iyun ayları) sonunda bankın cəmi aktivləri 1 milyard 323 milyon 684 min manat olub.
Bankın aktivləri 2024-cü ilin sonu ilə müqayisədə 44 milyon 47 min manat və ya 3,4% artıb.
Hesabat dövründə bankın kredit portfeli də böyüyüb. 2024-cü ilin sonu ilə müqayisədə Yelo Bank-ın ümumi kredit portfeli 60 milyon 141 min manat və ya 6,4% artaraq 995 milyon 230 min manat təşkil edib.
Qeyd edək ki, 2025-ci ilin mart ayının sonuna Bankın əmanət portfeli 948 mln. 384 min manat olub. Depozit porfelində isə bu ilin əvvəli ilə müqayisədə 19 milyon 610 min manat və ya 2,1% artım qeydə alınıb.
Bizi sosial şəbəkələrdən izləyin!!
