Bayden xatirələrinin dərci hüququnu satıb | VİDEO

AzVision.az xəbər verir ki, mənbələrə istinad edən “Wall Street Journal (WSJ)” qəzetinin yazdığına görə, keçmiş prezident öz memuarlarının hüquqlarını “Hachette Book Group” nəşrinə satıb.

10 milyon dollar avans müqabilində “Hachette Book Group” şirkəti Co Baydenin kitabının bütün dünyada yayılması hüququnu alıb. Keçmiş prezidenti sövdələşmədə “Creative Artists Agency” şirkəti təmsiıl edəcək.

“Əlyazmanın tamamlanma vaxtı və onun təbliği planları çox güman ki, keçmiş dövlət başçısının səhhətindən asılı olacaq”,- WSJ yazır.

Niyə Bayden teledebatlarda Trampa uduzub?

Qeyd edək ki, iyulun 20-də konqresmen Bayron Donalds ABŞ-nin keçmiş vitse-prezidenti Kamala Harrisin və sabiq prezidentin arvadı Cil Baydenin Co Baydenin koqnitiv sağlamlığı ilə bağlı aparılan təhqiqat çərçivəsində ifadə vermək üçün Konqresə çağırılmalı olduqlarını açıqlayıb.

Co Baydenin oğlu Hanter Bayden isə keçən il Donald Trampa qarşı teledebatda atasının fəlakətli çıxışını “Ambien” yuxu dərmanı ilə əlaqələndirib.


Sahil İsgəndərov
AzVision.az