Qasırğalı külək Amur vilayətinin Beloqorsk şəhərinin elektrik enerjisini kəsib...
Poliqon xəbər verir ki, bu barədə öz Teleqram kanalında şəhərin meri Sergey Melyukov məlumat verib.
Gecə saatlarında güclü külək yerli elektrik yarımstansiyasının açıq paylayıcı qurğusunun üzərinə düşən inzibati binanın damını qoparıb. Buna görə də Beloqorskda ən azı yarım gün ərzində nə elektrik, nə su, nə də böyük ölçüdə kommunikasiyalar olmayacaq. Yola aşmış ağaclar şəhərdə nəqliyyatın hərəkətini də çətinləşdirib.
Hazırda Beloqorskda xeyli sayda mağaza bağlanıb. Cəmi bir yanacaqdoldurma məntəqəsi fəaliyyət göstərir və onun qarşısında böyük maşın xətti yaranıb.
Melyukov qeyd edib ki, energetiklər və mənzil-kommunal təsərrüfatı işçiləri artıq bərpa işlərinə başlayıblar. Blaqoveşenskdən zərər çəkmiş şəhərə yardım göndərilib.
Poliqon.info
