Türkiyənin Eskişehir vilayətində on işçinin həlak olduğu meşə yanğınları ilə bağlı ölkənin Baş Prokurorluğu tərəfindən istintaq başladılıb.
APA xəbər verir ki, bunu Türkiyənin ədliyyə naziri Yılmaz Tunç açıqlayıb.
Hadisə ilə bağlı məlumat verən səhiyyə naziri Kemal Memişoğlu yanğın bölgəsindən çıxarılan yeddi nəfərin müalicəsinin xəstəxanada davam etdiyini, onlardan birinin vəziyyətinin ağır olduğunu deyib.
Bildirilib ki, xəstəxanaya yerləşdirilən 14 işçidən yeddisi ilkin tibbi yardımdan sonra evə buraxılıb.
***
22:06
Türkiyənin Eskişehir vilayətinin Seyitqazi rayonunda baş verən meşə yanğını küləyin təsiri ilə güclənərək ətraf rayonlara da yayılıb.
APA-nın İstanbul müxbirinin verdiyi xəbərə görə, bu barədə yerli media məlumat yayıb.
Qeyd olunub ki, yanğını söndürmək üçün ərazidə çalışan 11 nəfər həlak olub.
