İtaliyanın "UniCredit" bank qrupunun ikinci rüb üçün xalis mənfəəti 3,3 milyard avro təşkil edib.
Valyuta.az xəbər verir ki, bu, ilin bu dövrü üçün şirkətin tarixində ən yaxşı göstəricidir. Ötən illə müqayisədə bu göstərici 24,8% artıb.
İkinci rübün nəticələri, əvvəllər "UniCredit"in özü tərəfindən verilən analitiklərin konsensus proqnozundan xeyli yaxşı olub. Ekspertlər qrupun xalis mənfəətinin 2,5 milyard avro olacağını gözləyirdilər.
Belə uğurlu ikinci rübü nəzərə alaraq, "UniCredit" bütün 2025-ci il üçün mənfəət proqnozunu 9,3 milyard avrodan 10,5 milyard avroya yüksəltdi. Bundan əlavə, şirkət 2027-ci ilin sonuna qədər səhmdarlara təxminən 30 milyard avro ödəyəcəyini açıqlayıb - ən azı yarısı dividend, qalanı isə səhmlərin geri alınması zamanı.
"UniCredit" maliyyə nəticələrini dərc etməklə yanaşı, İtaliyanın "Banco BPM" bankını almaq cəhdlərini də dayandırdığını açıqlayıb. "UniCredit" 2024-cü ilin noyabrında bankı almaq təklifi ilə rəqibini 10 milyard avro dəyərində qiymətləndirib. Lakin BPM rəhbərliyi bu məbləği qeyri-kafi hesab edib.
Bu ilin aprel ayında "UniCredit" təklif olunan sövdələşmənin şərtlərini təkmilləşdirərək, BPM-in dəyərini 15,4 milyard avroya çatdırıb. Lakin İtaliya hökuməti milli təhlükəsizliyə təhdid bəhanəsi ilə sövdələşməyə qarşı çıxaraq danışıqlar prosesinə müdaxilə edib. "UniCredit" İtaliya hakimiyyətini razı sala bilməyib.
Paşa Məmmədli
