Havaların istiləşməsi ilə bədənin maye ehtiyacı da artır.
Pravda.az bildirir ki, soyuq və qazlı içkilər ilk seçimlər arasında olsa da, tərkibindəki şəkər və turşu səbəbilə sağlamlığa zərər verə bilər.
Mütəxəssislər bu dövrdə həm sərinləşdirici, həm də faydalı olan təbii içkiləri tövsiyə edir.
Yay aylarında hazırlana biləcək 15 sağlam içki təklifi:
Buzlu şaftalı çayı: Şaftalı, quru üzüm, çay dəmi və nanə ilə hazırlanır. C vitamini və dəmir baxımından zəngindir.
Çiyələkli milkshake: Çiyələk, süd və az yağlı dondurma ilə qarışdırılır, ürək və damar sağlamlığına dəstək verir.
Pomidorlu qazlı suyu: Pomidor suyu və qazlı su qarışdırılaraq antioksidant təsir göstərir.
Qovunlu smoothie: Qovun, soya südü və qatıq ilə hazırlanır, həzm sistemini gücləndirir.
Çiyələkli su: Limon suyu, çiyələk və nanə ilə bədəni toksinlərdən təmizləyir.
Şəkərsiz limonad: Limon, bal, zəncəfil ilə hazırlanan bu içki C vitamini ilə zəngindir.
Qarpızlı limonad: Qarpız, limon, alma və bal qarışığı ilə sərin və güclü antioksidant mənbəyidir.
Xiyarla ayran: Qatıq, qazlı su və xiyar qarışığı immunitet sistemini gücləndirir.
Darçınlı yaşıl çay: Maddələr mübadiləsini sürətləndirir, arıqlamağa yardım edir.
Qatıq, alma və xiyar kokteyli: Həzmə kömək edir və toxluq hissi yaradır.
Soyuq qəhvə: Buzlu qəhvə və süd qarışığı həm enerji verir, həm də sərinlədir.
Şaftalılı yaşıl çay: Gecədən dəmlənən bu qarışım vitaminlərlə zəngindir.
Nanəli ayran: Təravətləndirici və mineral baxımından zəngin içkidir.
Gilaslı buzlu içki: Gilaslı buzlar qazlı suyu ilə birləşdirilərək təqdim olunur.
Ananaslı süd: Bromelain maddəsi ilə həzmi asanlaşdırır və immuniteti artırır.
Bu içkilər yay istisində həm bədəni sərinlədir, həm də sağlamlığa müsbət təsir göstərir. İsti havalarda sağlam və təbii seçimlərlə bədən tarazlığını qorumaq mümkündür.
Əminə Bayramova
