Azərbaycanın dövlət enerji şirkəti SOCAR Egey regionunun ən böyük inteqrasiya olunmuş limanı olan Socar Terminalını əldən verməyi planlaşdırır. Mənbələr bildirirlər ki, SOCAR Türkiyədəki liman bölməsi Socar Terminalının satışı ilə bağlı ilkin mərhələdə danışıqlar aparır və potensial satışın SOCAR-ın Türkiyədəki 7 milyard dollarlıq neft-kimya genişləndirmə planını maliyyələşdirəcəyi gözlənilir.
Azərbaycanın dövlət enerji şirkəti SOCAR-ın Türkiyədəki liman bölməsi olan Socar Terminalını satmağı düşündüyü bildirilir.
Məsələ ilə tanış olan mənbələrin bildirdiyinə görə, Socar Türkiyə konteyner limanı və yaxınlıqda Petkim Petrokimya Holding AŞ-yə xidmət göstərən ayrıca obyekti idarə edən Socar Terminalını satmaq üçün ilkin mərhələdə danışıqlar aparır.
Danışıqların təfərrüatları hələ ki, yekunlaşdırılmayıb. SOCAR-ın hansı potensial alıcılara müraciət etdiyi bəlli deyil və mənbələr prosesin sövdələşmə ilə nəticələnəcəyinin aydın olmadığını vurğulayıblar.
Neft-kimyaya yönəlmiş artıma diqqət yetirilir
Azərbaycan şirkəti Egey regionunun ən böyük inteqrasiya edilmiş limanı olan və ildə 1,5 milyon iyirmi fut ekvivalentində yük daşıya bilən Socar Terminalına bu günə qədər 420 milyon dollar sərmayə qoyub.
Bu ilin əvvəlində SOCAR liman holdinqlərini yenidən strukturlaşdırdı və Socar Terminal Petkim liman operatoru Petlim Limancılık Ticaret AŞ-də qalan 93% payı 172 milyon dollara alıb.
