İranın Astana-ye Əşrəfiyə şəhərində Şəhidlər Fondunun binasını qəsdən yandırmaqda ittiham olunan qadın saxlanılıb. Vətəninfo.az xəbər verir ki, bununla bağlı məlumatı şəhərin Polis İdarəsinin komandiri polkovnik Rza Şəmsayi verib.
Onun sözlərinə görə, Moein bulvarındakı Şəhidlər Fondunun girişində yanğın hadisəsi baş verib. Hadisə yerinə dərhal polis və yanğınsöndürmə briqadaları cəlb olunub.
Araşdırmalar nəticəsində müşahidə kameralarının görüntüləri əsasında 53 yaşlı qadın şübhəli şəxs qismində müəyyən edilərək həbs olunub. Polkovnik Şəmsayi bildirib ki, iş üzrə cinayət işi açılıb və qadın məhkəməyə göndərilib. Polis komandiri qeyd edib ki, ictimai asayişi pozan şəxslərə qarşı qanuni tədbirlər Astana-ye Əşrəfiyə şəhərində əsas prioritet olaraq qalır.
