Maliyyə sektorunda avqustun 1-nəbanklar və bank olmayan kredit təşkilatları (BOKT) üçün yeni maliyyə alətinə çıxış imkanı verən 3 illik proqramın tətbiqi nəzərdə tutulur.
Teleqraf xəbər verir ki, bunu Azərbaycan Mərkəzi Bankının sədri Taleh Kazımov bildirib.
Onun sözlərinə görə, proqram çərçivəsində bank və BOKT-lərin qeyri-rezident maliyyə təşkilatlarından cəlb etdikləri vəsaitlər manata mübadilə olunduqdan sonra Mərkəzi Bank tərəfindən təqdim olunan maliyyə aləti ilə hedc olunacaq. Hedc olunmuş vəsait mikro, kiçik və orta sahibkarlıq subyektləri, ailə-kəndli təsərrüfatları və özünüməşğul əhalinin kredit və lizinq vasitəsilə maliyyələşdirilməsinə yönəldiləcək".
T.Kazimov qeyd edib ki, banklar ucuz vəsaitlər əldə edəcəklər:
Yaxın günlərdə bu məqsədlə bank rəhbərləri ilə görüşüm olacaq. Mərkəzi Bank tərəfindən ucuz vəsaitlərin iqtisadiyyata yönəldilməsinə nəzarət ediləcək. Bu vəsaitlərin istehlak deyil, iqtisadi sahələrə yönəldiulməsinə çalışılacaq".
