Türkiyə prezidenti Rəcəb Tayyib Ərdoğana İstanbulda Rusiya və Ukrayna arasında mümkün danışıqların üçüncü raundunun nəticələri barədə məlumat veriləcək. Bu barədə RİA Novosti-yə Türkiyə liderinin administrasiyasından məlumat verilib.
“Əlbəttə, cənab prezident Türkiyə vasitəçiliyinin təşəbbüskarı kimi prosesi şəxsən izləyir”, - administrasiya nümayəndəsi bildirib.
Bundan əvvəl Türkiyə Xarici İşlər Nazirliyinin rəhbəri Hakan Fidan bu həftə İstanbulda Rusiya və Ukrayna arasında danışıqların yeni mərhələsinin baş tutacağını bildirib. O qeyd edib ki, Türkiyənin məqsədi dialoqun davam etdirilməsinə və etimadın inkişaf etdirilməsi istiqamətində addımların həyata keçirilməsinə kömək etməkdir.
Bundan əvvəl Rusiya prezidenti Vladimir Putin Ərdoğanla telefon danışığında Moskvanın Ukrayna ilə münaqişəni diplomatik yollarla həll etmək istəyini təsdiqləyib.
Türkiyə lideri də öz növbəsində Putinə Rusiya ilə Ukrayna arasında danışıqların üçüncü raundunun keçirilməsinin zəruriliyi barədə danışaraq, onları İstanbulda təşkil etməyə hazır olduğunu bildirib. Rusiya Federasiyasının rəhbəri türkiyəli həmkarına birbaşa Rusiya-Ukrayna danışıqlarının aparılmasına şərait yaratdığına görə minnətdarlığını bildirib.
Əziz Mustafa
