UEFA Çempionlar Liqasında 2-ci təsnifat mərhələsi start götürüb.
Fanat.Az xəbər verir ki, ilk oyun günündə 13 matç baş tutub.
Gecənin əksər görüşləri məhsuldar alınıb. Yalnız bir görüşdə qapılara qol vurulmayıb. Əvəzində 9 matçda iki və daha çox qol qeydə alınıb. Ümumilikdə, 13 qarşılaşmada azarkeşlər qapılara vurulan 34 topa şahidlik ediblər.
Azərbaycan çempionu “Qarabağ”ın 3-cü təsnifat mərhələsindəki potensial rəqibləri – Şimali Makedoniyanın “Şkendiya” və Rumıniyanın “Styaua” komandalarının ilk görüşündə meydan sahibləri minimal hesabla qalib gəliblər.
“Qarabağ” sabah İrlandiya “Şelburn”u ilə qarşılaşacaq.
UEFA Çempionlar Liqası
2-ci təsnifat mərhələsi, ilk oyunlar
22 iyul
KuPS (Finlandiya) – Kayrat (Qazaxıstan) 2:0
Linkoln (Cəbəllütariq) – Srvena Zvezda (Serbiya) 0:1
Noa (Ermənistan) – Ferentsvaroş (Macarıstan) 1:2
Kopenhagen (Danimarka) – Drita (Kosovo) 2:0
Hamrun (Malta) – Dinamo (Kiyev, Ukrayna) 0:3
Pafos (Kipr) – Makkabi (Təl-Əviv, İsrail) 1:1
Viktoriya (Plzen, Çexiya) – Servett (İsveçrə) 0:1
RFS (Latviya) – Malmö (İsveç) 1:4
Şkendiya (Şimali Makedoniya) – Styaua (Rumıniya) 1:0
Slovan (Slovakiya) – Zrinski (Bosniya) 4:0
Lex (Polşa) – Breydablik (İslandiya) 7:1
Reyncers (Şotlandiya) – Panatinaikos (Yunanıstan) 2:0
Riyeka (Xorvatiya) – Ludoqorets (Bolqarıstan) 0:0
