Rumıniyanın paytaxtında hökumət əleyhinə mitinq etirazçılarla hüquq-mühafizə orqanları arasında toqquşmaya səbəb olub...
Poliqon bu barədə Digi 24 telekanalına istinadən xəbər verir.
Buxarestdə Viktoriya Sarayının qarşısında etiraz aksiyasına çıxan yüzlərlə etirazçı hökumət əleyhinə və keçmiş prezidentliyə namizəd Kalin Georgescu-ya dəstək şüarları səsləndirib. Etirazçılar jandarmlara nəqliyyatın hərəkətini kəsməyə imkan verməyiblər, nəticədə 4 hüquq-mühafizə orqanı əməkdaşı yaralanıb.
Öz növbəsində polis aksiyanın üç fəal iştirakçısını saxlayıb. Hüquq-mühafizə orqanları iğtişaşlarda iştirak edən nümayişçilərin ciddi şəkildə cəzalandırılacağını vurğulayıb.
Poliqon.info
