Türkiyəli 69 yaşlı müğənni-bəstəkar Nazan Öncel yenidən xəstəxanaya yerləşdirilib.
Axşam.az xəbər verir ki, bu barədə onun mətbuat katibi Yağız Yılmaz sosial şəbəkədə məlumat yayıb. O, sənətçinin infarkt keçirdiyini açıqlayıb:
"May ayında balon anjioqramma əməliyyatı keçirən və iki stent taxılan Nazan Öncel dünən səhər saat 4:30-da təcili yardıma aparılıb. Onun yüksək nəbzi və yüksək təzyiqi başqa bir stentlə nəzarətə götürülüb, sənətçinin vəziyyətinin stabilləşdirilməsi üçün işlər aparılır. Onun nə vaxt xəstəxanadan evə buraxılacağı isə hələlik bəlli deyil".
