AZ

Baku Electronics satdığı malı pulsuz quraşdırma adı ilə pula aləır?

Baku Electronics və onunla əməkdaşlıq edən Baku Service Company-nin adı növbəti dəfə narazılıqla gündəmə gəlib.

XəzərNews.az xəbər verir ki, Şükran Məmmədli adlı şikayətçi iyunun 9-da Baku Electronics-inİnşaatçılar filialından iki ədəd kondisioner aldığını, bu cihazların isə “pulsuz quraşdırma” vədi ilə satıldığını iddia edir.

Quraşdırma zamanı servis əməkdaşları heç bir əlavə boru istifadə etmədikləri halda, müçtəridən texniki səbəb adı ilə 50 manat ödəniş tələb ediblər. Ödəniş nə POS-terminal vasitəsilə alınıb, nə də müştəriyə qəbz təqdim edilib, sadəcə kartdan-karta yolu ilə həyata keçirilib.

Müştəri iddia edir ki, quraşdırma zamanı divar kağızı zədələnib, kondisionerin xarici bloku isə təhlükəli şəkildə – yalnız iki nöqtədən bərkidilib.

Şikayətçi bildirir ki, problemin həlli üçün dəfələrlə həm mağazaya, həm də servisə müraciət etsə də məsələ yalnız iyunun 20-də, 11 gün sonra həll olunub.

Antiinhisar Xidmətinə edilən şikayətə cavab olaraq servis şirkəti guya normadan artıq mis borudan istifadə edildiyini iddia edib. Amma Şükran Məmmədli bunun tamamilə yalan olduğunu deyir – çünki borular əvvəldən hazır vəziyyətdə olub və heç bir əlavə materialdan istifadə edilməyib.

Müştəri həm əsassız alınan ödənişə, həm də standarta uyğun olmayan və təhlükəli quraşdırmaya görə narazıdır. Lakin bu günə qədər nə Baku Electronics, nə də Baku Service Company tərəfindən rəsmi cavab verilməyib.

Zəhra
XəzərNews.az


Xəbər 2 dəfə oxunub.
Seçilən
12
xezernews.az

1Mənbələr