Rusiyaya qarşı son, 18-ci sanksiyalar paketi göstərir ki, Avropa Rusiyanın hərbi maşınının tam ürəyinə zərbə vurub...
Poliqon xəbər verir ki, bunu Avropa Komissiyasının (AK) rəhbəri Ursula fon der Leyen deyib.
İyulun 18-də avropalı diplomatlar Rusiyaya qarşı yeni sanksiyalar paketi ilə bağlı razılığa gəliblər.
Paketə neft daşıyan Rusiya gəmilərinə məhdudiyyətlər, bir sıra banklara qarşı tədbirlər, fiziki və hüquqi şəxslərin qara siyahısının genişləndirilməsi, həmçinin ikili təyinatlı mal və texnologiyaların ixracına qadağa daxildir.
Bu həftə Aİ xarici işlər naziri Kaya Kallas bildirib ki, Aİ xarici işlər nazirləri Slovakiyaya görə Rusiyaya qarşı 18-ci sanksiyalar paketi ilə bağlı razılığa gələ bilməyiblər.
İyulun 5-də Slovakiya növbəti dəfə Rusiyaya qarşı yeni məhdudiyyətlər paketini bloklayıb. Baş nazir Robert Fikonun sözlərinə görə, Aİ-nin yeni planı ölkə iqtisadiyyatına mənfi təsir göstərə bilər.
Buna baxmayaraq, demək olar ki, iki həftə sonra Slovakiyanın iyulun 18-də Rusiyaya qarşı Avropa sanksiyalarının 18-ci paketinin qəbuluna mane olmayacağını bildirən Fiko, Avropa Komissiyası ilə enerji resursları üzrə danışıqlar kontekstində Rusiyaya qarşı yeni sanksiyaların qarşısının alınmasının davam etdirilməsinin əks-məhsuldar olacağını qeyd edib.
Poliqon.info
