Misirin Dahşur nekropolunda minilliklər boyu möhürlənmiş 4000 illik piramida aşkar edilib. Arxeoloqlar onu açanda, fironların dəfnləri ilə bağlı bildiyimiz hər şeyə meydan oxuyan bir məzar tapıblar.
Reyting.az xarici KİV-lərə istinadla xəbər verir ki, ekspertlərin içəridə tapdıqları sadəcə unudulmuş abidə deyil - bu, dünyanın ən böyük sivilizasiyalarından birinin zəngin və mürəkkəb tarixinə bürünmüş sirdir.
Hər şey Dahşurda mədən əməliyyatları zamanı başlayıb. İşçilər qeyri-adi bir şey görüblər: incə kəsilmiş əhəngdaşı blokları. Bu, altında vacib bir şeyin olduğuna işarə idi.
Misirin Turizm və Qədim Əsərlər Nazirliyinə məlumat verildikdən sonra araşdırma aparmaq üçün arxeoloqlardan ibarət qrup göndərilib. Qazıntıya ingilis misirşünas Kris Naunton rəhbərlik edib.
Naunton və komandası mərkəzi kameraya enən bir keçid tapıb.
Bu kəşfin nəticələri hələ müəyyən edilməsə də, o, qədim Misirin dəfn mərasimləri ilə bağlı müasir fikirlərə meydan oxuyur.
Əsl sensasiya məzarda yerləşən mumiyanın kimliyi üzə çıxanda baş verib. Qabaqcıl skanetmə texnologiyasından istifadə edərək, arxeoloqlar kanopik bankanın üzərindəki zədələnmiş heroqlifləri bərpa ediblər. Məlum olub ki, məzar Misirin 13-cü sülaləsindən olan kraliça Şahzadə Hatşepsutdan başqa heç kimə aid deyil. Hatşepsut adı tarixçilərə tanışdır, lakin bu Misirin ən məşhur fironlarından birinə çevrilən Hatşepsut deyil.
V. QULİYEV
