"Vəziyyət geri dönüşü olmayan həddə çatacağı təqdirdə Macarıstan Avropa İttifaqından çıxmağı düşünə bilər"
Publika.az xəbər verir, Macarıstanın Baş naziri Viktor Orban "Ultrahang"a açıqlamasında deyib.
O, Macarıstanın Aİ-yə üzvlüyündən danışaraq deyib ki, nəzəri cəhətdən müəyyən məqam var, ondan sonra bu ittifaqa üzv olmağın mənası olmayacaq.
“Macarıstan seçicilərinə bir şey vəd edə bilərəm: görsəm ki, artıq buna dəyməz, öz sözümü deyəcəyəm”, - o, hələlik belə bir ehtiyac görmədiyini vurğulayıb.
Baş nazirin sözlərinə görə, dünya "transatlantik parçalanma" adlandırdığı iki hissəyə bölünüb. Buna əsasən, Avropaya xas mütərəqqi-liberal tərəf və ABŞ-ın başçılıq etdiyi mühafizəkar-millətçi tərəf var.
