"Arsenal" hücumçu Oliviya Smitin transferini rəsmi saytında açıqlayıb.
Publika.az xəbər verir ki, daha əvvəl bildirilmişdi ki, transfer haqqı 1 milyon ₤ (1,16 milyon avro) ola bilər ki, bu da bir qadın futbolçu üçün indiyə qədər ödənilən ən böyük məbləğdir.
"Kanadalı Oliviya Smit ilə uzunmüddətli müqavilə imzaladığını elan etməkdən məmnunuq. 20 yaşlı hücumçu açıqlanmayan ödəniş qarşılığında "Liverpul"dan bizə qoşulur", - klubun açıqlamasında deyilir.
"Arsenal ilə müqavilə imzaladığım üçün qürur duyuram. Arzum İngiltərədə və Avropada ən yüksək titullar uğrunda mübarizə aparmaqdır və mən başlamaq, “Arsenal” ilə bu məqsədə çatmaqda öz rolumu oynamaq üçün həyəcanlanıram", - Smit deyib.
