Azərbaycan Dövlət Neft və Sənaye Universiteti (ADNSU) 2025/2026-cı tədris ili üçün təkrar ali təhsil üzrə əyani formada sənəd qəbulunu davam etdirir. Qəbul prosesi portal.edu.az platforması vasitəsilə elektron qaydada həyata keçirilir.
Elektron qeydiyyatdan keçən namizədlərin sənədlərinə universitetdə yaradılmış Qəbul Komissiyası tərəfindən təyin olunmuş tarixdə baxılır. İlkin baza təhsili üzrə tədris proqramı ilə müraciət edilən ixtisasın tədris proqramı arasında fərqlər nəzərə alınaraq, namizədlərə müəyyən ixtisaslar üzrə təkrar ali təhsil almaq hüququ verilir.
ADNSU-da təkrar ali təhsil üzrə sənəd qəbulu 26 iyun 2025-ci il tarixindən başlanıb və 30 avqust 2025-ci il tarixinədək davam edəcək. Təkrar ali təhsil yalnız ödənişli əsaslarla həyata keçirilir və illik ödəniş məbləği ixtisasdan asılı olaraq 2200-2800 manat təşkil edir.
Hazırda ADNSU-da aşağıdakı bakalavriat ixtisasları üzrə təkrar ali təhsil həyata keçirilir:
Geologiya və geofizika mühəndisliyi
Geologiya
Neft-qaz mühəndisliyi
İnşaat mühəndisliyi (dəniz neft-qaz qurğularının tikintisi)
Logistika və nəqliyyat texnologiyaları mühəndisliyi
Mədən mühəndisliyi
Həyat fəaliyyətinin təhlükəsizliyi mühəndisliyi
Kimya mühəndisliyi
Mexanika mühəndisliyi
Elektrik və elektronika mühəndisliyi
Energetika mühəndisliyi
Kompüter elmləri
İnformasiya texnologiyaları
İqtisadiyyat
Menecment
Biznesin idarə edilməsi
Qida mühəndisliyi
Ətraflı məlumat üçün portal.edu.az platformasına daxil olmaq tövsiyə olunur.
