BAKI, TurkicWorld
İngiltərədə ekstremal istilər nəticəsində su istifadəsinə ciddi məhdudiyyətlər tətbiq edilib.
TurkicWorld xəbər verir ki, İngiltərə ardıcıl isti dalğalar və 30°C-dən yüksək temperatur səbəbindən ölkə miqyasında şlanqdan istifadəyə qadağa qoyub.
İlin dördüncü isti dalğası fonunda bəzi bölgələrdə temperatur 33 dərəcəyə qədər yüksəlib. Bu vəziyyət 1893-cü ildən bəri ən quraq baharını yaşayan ölkədə su qıtlığına səbəb olub. Hazırda təxminən 7 milyon insan – əhalinin 10%-dən çoxu – su məhdudiyyətləri ilə üzləşir.
Southern Water şirkəti 22 iyuldan etibarən Hampshire və Uayt adasında yaşayan 1 milyon nəfər üçün, Cənub-Şərqi Su şirkəti isə Kent və Susseksdə 1,4 milyon insan üçün şlanq borusu qadağası tətbiq edib. Yorkshire Water şirkətinin qərarı ilə isə 5,5 milyon sakini əhatə edən Yorkşirdə də oxşar məhdudiyyətlər qüvvəyə minib. Su anbarlarındakı su səviyyəsinin normadan 26% aşağı düşdüyü vurğulanır.
Ətraf Mühitin Mühafizəsi Agentliyi şimal-qərbi bölgəsini rəsmi olaraq quraqlıq vəziyyətində elan edib. Sağlamlıq Təhlükəsizliyi Agentliyi isə London və cənub bölgələrində “narıncı” səviyyədə sağlamlıq xəbərdarlığı yayıb və həftəsonu istilərin ölüm hallarını artıra biləcəyi ilə bağlı əhalini xəbərdar edib.
Qeyd edək ki, 2024-cü ilin yaz ayları İngiltərədə həm rekord istilər, həm də az yağıntı ilə yadda qalıb. Rəsmilər, su ehtiyatlarını qorumaq üçün vətəndaşlardan məsuliyyətli davranmalarını tələb edir.
