BAKI, 17 iyul. TELEQRAF
Nüfuzlu "Tur de Frans" veloyürüşünün Tuluza şəhərində keçirilən 11-ci mərhələsində insident baş verib.
Teleqraf-ın məlumatına görə, finiş öncəsi bir nəfər əlində çalma və əynində "İsrail, turdan rədd ol" yazılı geyimlə əraziyə qaçıb.
Etirazçı finiş xəttinə çata bilməyib - onu finiş xəttinin təhlükəsizliyini təmin edən general komissar Stefan Buri yaxalayıb. O, fəalı hasardan ataraq polislərin onu saxlamasına şərait yaradıb.
Saxlanılan zaman nümayişçi "İsrail turdadır - tur onlara ortaq olur" qışqırıb.
İsraili "Tur de Frans"da kanadalı Maykl Vuds və fransalı Matis Luvelin daxil olduğu "İsrail-Premyer Tex" komandası təmsil edir. Klubda israilli velosipedçi yoxdur.
