Portuqaliyanın "Despertar" komandasında çıxış edən 17 yaşlı futbolçu Xorxe Saraiva faciəvi şəkildə dünyasını dəyişib.
"Report" xəbər verir ki, bu barədə klubun mətbuat xidməti məlumat yayıb.
O, iki gün əvvəl üç dostu ilə birlikdə Karkavelos çimərliyində dalğa tərəfindən okeana sürülüb. Xilasedicilər portuqaliyalı futbolçunun dostlarını xilas edə bilsələr də, Sarayvanın cəsədi sonradan tapılıb.
