“Mançester Siti” rəhbərliyi klubun texniki sponsoru, alman şirkəti “Puma” ilə müqaviləsinin müddətini uzadıb.
Arena.az bu barədə İngiltərə klubunun rəsmi saytına istinadən məlumat verir.
“Şəhərlilər”lə “Puma” arasındakı müqavilənin 1 milyard funt-sterlinq dəyərində olduğu bildirilir. Tərəflər daha 10 il müddətində əməkdaşlıq edəcəklər.
Xatırladaq ki, “Mançester Siti” “Puma”nın xidmətindən 2019/2020-ci illər mövsümündən istifadə edir. Buna qədər – 2013-2019-cu illərdə “şəhərlilər”in təchizatını digər nəhəng – amerikan çoxmilli şirkəti “Nike” təmin edirdi.
Alman şirkəti “Puma” idman geyimlərinin, ayaqqabılarının və ləvazimatlarının istehsalı üzrə ixtisaslaşıb və müvafiq miqyasda dünyada üçüncüdür. “Puma” çoxmilli şirkət olaraq fəaliyyət göstərir.
