İsrailin baş naziri Binyamin Netanyahu bölgədə vəziyyətin sabitləşməsinin qarşısını almaq və postunu qorumaq üçün İrana yenidən zərbə endirmək qərarına gələ bilər.
Ucnoqta.az xəbər verir ki, bu fikri İraqın baş naziri Məhəmməd əl-Sudani ərəbcə “Şarq əl-Avsat” qəzetinə müsahibəsində bildirib.
"Hər kəs Netanyahunun Qəzza və Livanda atəşkəs şərtlərinə əməl etmədiyini bilir. Onun yenidən İrana hücum edəcəyi ehtimalı böyükdür. Görünür, onun siyasi strategiyası regional münaqişəni davam etdirməyə yönəlib ki, o, siyasi mövqelərini qoruyub saxlaya bilsin”, - İraq hökumətinin başçısı İran-İsrail arasında yeni eskalasiya ehtimalı ilə bağlı sualı cavablandırarkən deyib.
Əl-Sudaninin qeyd etdiyi kimi, İran və İsrail arasında zərbələrin mübadiləsi zamanı İraq rəhbərliyi “regional sabitlik məsələlərindən” və onun sərhədlərindəki vəziyyətdən son dərəcə narahat olub.
“Qonşu ölkənin yanmasını seyr edə və alovun sizə keçməyəcəyinə əmin ola bilməzsiniz”, - deyə siyasətçi əlavə edib.///tass
