İlqar Mustafayevin işində hazırlıq iclası keçirilib
Bakı Ağır Cinayətlər Məhkəməsində Primorsk Bulvarı İdarəsinin keçmiş müdiri İlqar Mustafayev, onun köməkçisi Rəşad Bədəlov və 'GIRASOL' MMC-nin direktoru Fuad Babayevə qarşı irəli sürülmüş cinayət işinin hazırlıq iclası keçirilib. Hakim Leyla Əskərova-Məmmədovanın sədrliyi ilə keçirilən iclasda təqsirləndirilən şəxslərin anket məlumatları dəqiqləşdirilib. Prosesdə Primorsk Bulvarı İdarəsinin nümayəndəsi Tural Nəsibov da iştirak edib. İttihama görə, İlqar Mustafayev və digərləri 12 milyon manatdan çox məbləği mənimsəyib və 1.8 milyon manatdan artıq məbləğdə vergidən yayınmaqda ittiham olunurlar. Məhkəmə İlqar Mustafayevə həbs qətimkan tədbiri seçib, digərləri isə polis nəzarəti altında saxlanılır.
