Böyük Britaniyanın keçmiş baş naziri Boris Conson İtaliyanın Kapri adasındakı "Anema e Core" gecə klubunda karaoke oxuyub.
Publika.az xəbər verir ki, həmin anın videogörüntülərini "The Sun" yayıb.
Nəşrin məlumatına görə, siyasətçi həyat yoldaşı Kerri Conson və yeni doğulmuş qızı ilə görüntülənib. 61 yaşlı dövlət xadimi Britaniya bayrağını dalğalandırıb və üzərində öz şəkli olan şüşədən şampan içib.
"Boris nəhəng fiqurdur və izdiham onu sevirdi. O, hər şeyini verdi və yəqin ki, çoxlu yeni pərəstişkarları qazandı", - şahidlərdən biri qeyd edib.
