PSJ-nin hücumçusu Usman Dembele London "Çelsi"si ilə keçiriləcək klublararası dünya çempionatının final oyunu haqda danışıb.
Fanat.Az xəbər verir ki, "Lequipe" fransalı ulduzun dediklərini belə çatdırıb:
"Biz bu mövsüm uğrunda mübarizə apardığımız bütün kubokları qazanmağı planlaşdırmışıq. Komanda öz məqsədinə çatmağa yaxındır. "Çelsi"ni məğlub etmək və daha bir kuboku qazanmaq üçün hər şeyimizi verəcəyik.
Bizi ABŞ-də çox yaxşı qarşıladılar. Həm meydanda, həm də meydandan kənarda əla vaxt keçirdik. Bu turnirin bir hissəsi olmaqdan qürur duyuruq".
Qeyd edək ki, parislilər buna qədər ölkə çempionluğunu, Fransa kubokunu və Superkubokunu, eləcə də Çempionlar Liqasını qazanıblar.
