İranın Ənzəli limanından Ələt limanına gəmi ilə sərnişin daşınmasına start verilə bilər.
Tribunainfo.az bildirir ki, bu barədə Gilan əyalətinin valisi Hadi Haqşenas məlumat verib.
Onun sözlərinə görə, məsələ müzakirə mövzusudur və ümid edirlər ki, tezliklə məsələ həllini tapacaq.
Gilan valisi deyib ki, Astara limanı Şimal-Cənub beynəlxalq nəqliyyat dəhlizində strateji mövqeyə malikdir. “Azərbaycandan bu limana gündəlik 50 vaqon yük göndərilir. Rəşt-Astara dəmir yolunun tikintisi tamamlandıqdan sonra bu marşrut üzrə tranzit imkanları daha da genişlənəcək”.
Qeyd edək ki, SSRİ dönəmində İranla Azərbaycan arasında gəmi sərnişindaşıma marşrutu olub.
Fərda Uğur
