Yeni süni intellekt modeli Grok 4 mübahisəli suallara cavab verərkən İlon Maskın baxışlarına əsaslanır.
Bizim.Media xəbər verir ki, bu barədə “TechCrunch” məlumat yayıb.
“TechCrunch” portalının məlumatına görə, Grok 4 adlı süni intellekt modeli ABŞ-da miqrasiya, abort və Fələstin-İsrail münaqişəsi kimi mübahisəli mövzularla bağlı suallara cavab verərkən İlon Maskın mövqeyinə istinad edir.
Məsələn, Grok-un cavablandırma prosesində "bu məsələ ilə bağlı İlon Maskın fikirlərini axtarıram" kimi mərhələlər müşahidə olunub. Bəzən isə Grok-un X sosial platformasında Maskın bu barədəki paylaşımlarını axtardığı qeyd olunub.
Qeyd edilir ki, sadə suallar – məsələn, “ən yaxşı manqo növü hansıdır?” – verildikdə Grok İlon Maskın mövqeyinə müraciət etmir.
Bununla belə, TechCrunch vurğulayır ki, süni intellekt modellərinin düşünmə zəncirlərində əks olunan mərhələlər həmişə onların real məntiqi qərarvermə prosesini tam dəqiq əks etdirmir.
Yenə də bu zəncirlər təxmini və ümumi bir fikir formalaşdırmaq üçün faydalı hesab olunur.
Bizim.Media
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
