“Qarabağ” klubunun sabiq qapıçısı İbrahim Şehiç karyerasını Türkiyədə davam etdirəcək.
İdmanxeber.az xəbər verir ki, 36 yaşlı bosniyalı qolkiper “Çorum” klubuna transfer olunub. Bu barədə Türkiyə təmsilçisinin mətbuat xidməti rəsmi məlumat yayıb. Tərəflər arasında 2+1 illik müqavilə imzalanıb.
Şehiç son olaraq Səudiyyə Ərəbistanının “Əl-Halic” klubunda çıxış edib.
Qeyd edək ki, təcrübəli qapıçı 2013–2018-ci illər aralığında “Qarabağ”ın formasını geyinib. O, Ağdam klubunun heyətində 5 dəfə Azərbaycan Premyer Liqasının çempionu olub, 3 dəfə isə ölkə kubokunu qazanıb.
Fərid Nəsibov
