Şimali Osetiyada bir marketdə şort geyindiyinə görə gəlmə Dаğstan sakini yerli sakin tərəfindən döyülüb.
KONKRET.az-ın məlumatına görə, insident marketin kassasında baş verib. Hadisənin görüntüləri sosial şəbəkələrdə yayılıb. Yerli kişi şortu dizdən yuxarı olan Dаğstanlını təhqir edib və əl-qaldırmaqdan çəkinməyib.
Müdaxilə etməyə çalışan kassir də şillə ilə “mükafatlandırılıb”.
Sosial şəbəkələrdə hadisəyə münasibət bildirənlər bu cür aqressiyanı tənqid edir, Qafqazda adət-ənənələrin zorakılıqla tətbiq edilməsinə etiraz edirlər.
Hadisə cəmiyyətdə geniş rezonans doğurub.
Natiq Səlim,
KONKRET.az
