Bakı, 11 iyul, AZƏRTAC
İtaliyanın “Roma” komandası qapıçısı Mile Svilarla müqavilənin müddətini uzadıb.
AZƏRTAC xəbər verir ki, bu barədə klubun rəsmi saytı məlumat yayıb. 26 yaşlı qolkiperin sözləşməsi 2030-cu ilədək uzadılıb.
Qeyd edək ki, Serbiya milisinin üzvü olan əlcək sahibi 2022-ci ilin yayında Portuqaliyanın “Benfika” komandasından “Roma”ya keçib. O, ötən mövsüm paytaxt təmsilçisinin heyətində A Seriyasında 16 matçda meydana çıxıb.
