Cebheinfo saytına istinadən ain.az xəbər verir.
Ermənistandakı radikal müxalifət Zəngəzur dəhlizinin açılacağı ilə bağlı xəbərləri tənqid etməyə başlayıb.
“Cebheinfo.az”-ın məlumatına görə, Yaşamaq üçün Ölkə Partiyasının sədri Mesrop Arakelyan Zəngəzur dəhlizinin açılması ilə bağlı Əbu-Dabidə aparılan danışıqların əleyhinə təxribatçı açıqlama verib.
“Yaxşı, fərz edək ki, Zəngəzurdan Naxçıvana gedən yol sırf Ermənistanın yurisdiksiyasına keçəcək. “Vətəndaş Müqaviləsi” fraksiyası isə üzərinə “Suveren yol bölüyü” yazılmış köynəklərlə yola nəzarət edəcək. Zəhmət olmasa deyin, bunun müqabilində Ermənistan nə alacaq? Naxçıvandan İrana yol? Azərbaycandan Rusiyaya gedən yol? Nə? Bəlkə də heç nə...
Azərbaycanın Ermənistana öz ərazisindən hər hansı dəhliz verəcəyi ilə bağlı rəsmi müzakirələr və bəyanatlar yoxdur.
Ermənistan əvəzində heç nə, ümumiyyətlə, heç nə almadan daha bir güzəştə gedir”,-deyə Arakelyan bildirib.
Göründüyü kimi, radikal müxalifət nəqliyyat-kommunikasiya əlaqələrinin blokadadan çıxarılmasını Ermənistanın maraqlarına zidd proses kimi təqdim etməyə çalışır. Məqsəd isə Azərbaycana qarşı düşmənçilik siyasətinin davam etdirilməsinə nail olmaqdır.
Xüsusilə də 2026-cı ildə keçiriləcək parlament seçkiləri ərəfəsində revanşistlərin Zəngəzur dəhlizi məsələsindən Nikol Paşinyan hakimiyyətinə qarşı əks-arqument kimi istifadə etmək cəhdi aydın görünür. Arakelyanın Paşinyanı Azərbaycana güzəştə gedən tərəf kimi təqdim etməsilə seçkilər öncəsi özünün və təmsil olunduğu siyasi düşərgənin mövqeyini gücləndirməyə hesablanıb.
Halbuki, Azərbaycanın qərb hissəsi ilə Naxçıvan MR arasında nəqliyyat-kommunikasiya əlaqələrinin Ermənistanın yurisdiksiyasına keçməsi rəsmi İrəvanın maraqlarına zidd deyil. Əksinə, Nikol Paşinyan hökuməti son 5 ildə yola nəzarət məsələsində Rusiya ilə məhz suverenlik probleminə fikir ayrılığı yaşayıb.
Rəsmi Bakı isə Ermənistanın “3+3” platforması çərçivəsində Azərbaycan ərazisindən üçüncü ölkələrə çıxış üçün istifadəsinə razı olduğunu dəfələrlə bəyan edib. Lakin Ermənistan indiyə qədər nə Zəngəzur dəhlizini açıb, nə də “3+3” platfiormasında əməkdaşlığa qoşulub. Ona görə də bu məsələdə Ermənistana tranzit yol verilməyəcəyini söyləmək siyasi məntiqsizlikdir.
Müşfiq Abdulla
“Cebheinfo.az”
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
