Cebheinfo saytından verilən məlumata əsasən, ain.az məlumatı açıqlayır.
Almaniyanın 15 ədəd daha F-35 döyüş təyyarəsi almağı planlaşdırdığı bildirilir.
"Cebheinfo.az" xəbər verir ki, bu addımla Berlinin sifariş etdiyi ABŞ istehsalı qırıcıların sayı 50-yə çatacaq. Xəbərin zamanlaması diqqət çəkir, çünki Almaniya ilə Fransa arasında ortaq şəkildə həyata keçirilən yeni nəsil döyüş təyyarəsi layihəsi – FCAS (Future Combat Air System) mövzusunda gərginlik yaşanır.
Fransanın layihə çərçivəsində iş bölüşdürməsində 80%-lik pay tələb etdiyi və bunun mövcud razılaşmanı pozaraq layihənin növbəti mərhələyə keçməsini dayandıra biləcəyi iddia olunur.
Yeni sifarişin NATO ölkələrinin gələcək onillikdə ümumi müdafiə xərclərini ümumi daxili məhsulun 5%-nə çatdırmaqla bağlı razılaşması ilə də üst-üstə düşdüyü qeyd edilir. Almaniya Müdafiə Nazirliyindən bir mənbə “Parlamentdən keçməmiş mümkün alış planları barədə adətən fikir bildirmirik”,- deyib.
Xatırladaq ki, Almaniya köhnəlmiş 85 ədəd “Tornado” təyyarəsini sıradan çıxarmaq məqsədilə indiyədək 35 F-35 sifariş etmişdi.
Nigar Hacılı
"Cebheinfo.az"
Sonrakı hadisələr barədə daha çox məlumat almaq üçün ain.az saytını izləyin.
