Yunanıstan hökuməti hazırda Krit adasında sıxlıq olduğu üçün yüzlərlə miqrantı ölkənin digər bölgələrinə paylayır...
Poliqon-nun məlumatına görə, yerli media Sahil Mühafizəsi və Miqrasiya Nazirliyinə istinadən xəbər verir ki, bu gün səhər saatlarında təxminən 500 nəfər Lavrio limanına köçürülüb. Daha 200 Şimali afrikalı Pirey limanına aparılıb. Onlar əsasən gənclərdir.
Son günlər Liviyadan minlərlə insan qayıqla gəlib. Ümumilikdə yanvarın əvvəlindən Kritə Afrikadan 10 mindən çox miqrant gəlib ki, bu da ötən ilin eyni dövrü ilə müqayisədə 350% artım deməkdir. Adanın səlahiyyətliləri dəfələrlə açıq şəkildə bəyan ediblər ki, miqrantların sayı həddən artıq çox olduğundan onlar artıq onlara kömək edə bilməyəcəklər.
"Hazırda vəziyyət nəzarətdən çıxıb. Nə qədər istəsək də, bununla bağlı heç nə edə bilmərik. İnsan ləyaqətinə uyğun şəraitdə daha çox insan yerləşdirmək mümkün deyil", deyə Krit meri bildirib.
Qeyri-qanuni miqrant axınına cavab olaraq Yunanıstan hökuməti Liviyadan gələn insanların sığınacaq ərizələrinin qəbulunu dayandırmaq qərarına gəlib.
Poliqon.info
