Rusiyalı filosof Aleksandr Duqin Aİ-nin əslən litvalı hərbi komissarı Andrius Kubiliusun “Tokvillə söhbətlər” forumunda çıxışını şərh edərək, Avropanın yeni geosiyasi strategiyası ilə bağlı mühüm müşahidələr aparıb.
Hafta.az-ın yazdığına görə, Duqinin deyib ki, Avropa artıq ABŞ-ın himayəsi altında olmadığını qəbul edir və öz hərbi ittifaqını yaratmağa hazırlaşır.
Kubiliusun çıxışında MAGA (Amerikanı Yenidən Mükəmməl Et) hərəkatını tənqid etdiyini deyən Duqin bu yanaşmanı “liberal nasizm” olaraq xarakterizə etdiyi qlobalist zehniyyətə müqavimət olaraq şərh edir.
Duqin iddia edir ki, “MAGA əslində Amerika həmrəyliyinin son qalasıdır” və Trampın Avropanı tək qoyaraq Hind-Sakit Okean bölgəsinə diqqət yetirməsi Avropada “Pax Europea” layihəsini doğurub.
Duqinin təhlilinə görə, ABŞ-ın dəstəyini itirmiş Avropa liderləri – Ursula fon der Leyen, Emmanuel Makron və başqaları – mərkəzi Ukraynaya yönəlmiş yeni hərbi ittifaq yaratmağı planlaşdırırlar.
Kubiliusun çıxışında vurğuladığı kimi, Avropanın əsas məqsədi “Rusiyanı böyük dövlət olmaqdan normallaşdırmaq” və buna Ukrayna vasitəsilə nail olmaqdır.
Duqin bu strategiyanın açıq etirafını Kubiliusun sözlərində görür: “Ukraynalılar döyüşməyə hazırdır, avropalılar yox”.
Duqinin ən diqqətçəkən müşahidəsi odur ki, Avropa çoxqütblü dünya nizamını rədd etsə də, əslində onun bir hissəsinə çevrilib. Filosof iddia edir ki, hazırda dünyada dörd əsas qütb var:
MAGA yönümlü Pax Americana, Rusiya mərkəzli Pax Russiana, Çinin rəhbərlik etdiyi Pax Sinica və Avropanın "liberal nasist" Pax Europea.
Duqin vurğulayır ki, belə şəraitdə Rusiyanın yeganə variantı Ukraynada qələbə qazanmaq və öz qütbünü gücləndirməkdir.
Avropanın bu açıq düşmən mövqeyi qarşısında Rusiyanın öz sivilizasiyasını müdafiə etməkdən başqa çarəsi olmadığını bildirən rus filosofu Kubiliusun çıxışını “liberal nasizm”in etirafı kimi qiymətləndirir və Avropanın indi maskasını atdığını iddia edir.
Bu təhlil, Ukrayna müharibəsinin əslində daha böyük sivilizasiyalar toqquşmasının bir hissəsi olduğunu bildirərək, Rusiyanın Qərblə münasibətlərinə yenidən baxmalı olduğuna dair tutarlı arqument təqdim edir.
