Bizimyol saytına istinadən ain.az xəbər verir.
Almaniya kansleri Fridrix Merz ABŞ prezidenti Donald Trampla onlar üçün Ukraynaya daha çox "Patriot" sistemləri və raketlərin verilməsi məsələsini müzakirə edib, lakin yekun qərar hələ qəbul edilməyib.
Bizimyol.info xəbər verir ki, Almaniya lideri bu barədə iyulun 10-da Romada Ukraynanın yenidən qurulmasına dair "URC 2025" konfransı çərçivəsində mətbuat brifinqində bildirib.
Merzin sözlərinə görə, o, daha çox "Patriot" sistemləri almaq və onları Ukraynaya göndərmək planları ilə bağlı “Amerika hökuməti, prezident Trampla sıx əlaqədədir”.
O, həmçinin "Rusiyanın davam edən hücumları fonunda" Ukraynanın hava hücumundan müdafiəsinin gücləndirilməsinin vacibliyini qeyd edib.
Almaniya kansleri: “Amerikalıların özlərinə onlardan bəziləri ("Patriot" sistemləri) lazımdır... Çatdırılmanın həyata keçirilib-keçirilməyəcəyi hələ tam müəyyən edilməyib”, - deyə bildirib.
O, həmçinin jurnalistlərə deyib ki, Almaniya və Avropanın böyümə, azad bazar iqtisadiyyatı, enerji təhlükəsizliyi və siyasi azadlıqda maraqları birbaşa Rusiyaya qarşı mübarizədə Ukraynaya dəstək verməklə bağlıdır.
Daha əvvəl Almaniya hökuməti ilə ABŞ prezidenti Donald Tramp arasında Ukrayna üçün silahla bağlı mümkün gizli razılaşma haqqında məlumat verilib.
Almaniya hökuməti təcili olaraq Ukraynaya yeni hava hücumundan müdafiə sistemləri və kifayət qədər sayda raket ötürmək üçün təcili həll yolu üzərində işləyir.
Qeyd olunub ki, Berlin Almaniyanın ödəməyə hazır olduğu iki "Patriot" sisteminin təhvil verilməsi üçün ABŞ-ın müdafiə naziri Pit Heqsetin razılığını gözləyir.
Daha sonra Almaniya hökumətinin sözçüsü Stefan Kornelius Almaniyanın ABŞ-dan Ukrayna üçün "Patriot" və raketlər almaq istədiyini təsdiqləyib.
Jurnalistlər ondan kansler Fridrix Merz hökumətinin Kiyev üçün "Patriot" raketləri almaq üçün ABŞ-la danışıqlar aparıb-aparmadığını soruşduqda o, Ukraynanın hava hücumundan müdafiə ehtiyaclarını ödəmək üçün “müxtəlif yolların” olduğunu bildirib və “intensiv danışıqların” aparıldığını təsdiqləyib.
Bu arada “Defence Express” ekspertləri hesab edirlər ki, Almaniya ABŞ-dan Ukrayna üçün Patriot sistemlərini standart prosedurla, hökumət səviyyəsində razılaşdırılan müqavilə imzalandıqdan sonra istehsala başlasa, o zaman batareyanı illərlə gözləməli olacaq.
Qadir, Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
